Ndundu ya Anake a 40 (in Gĩkũyũ)


Gĩkũyũ augire ‘ita rĩtarĩ ndundu rĩhũragwo na njũgũma ĩmwe’. Ndundu na kĩngenũ nĩ kuga think tank – andũ maikaire thĩ makirĩte ki ta itangi ria maĩ magĩthugunda ũndũ kana maũndũ. Itangi rĩakagwo rĩbacĩrĩirio na mabati kana mahiga ũũ atĩ ũrĩ nja, we tiga ũtahĩirio na kamũberethi, cia maĩ ndũrĩ ũngĩheana.

Maũndũ maingĩ marĩa matũkoraga na matũtongoragia maronania atĩ makoragwo maumanĩte na ndundu cia itherero cia meciria na tũkoria atĩrĩrĩ, “ndundu ciitũ rĩ, no cia kũrĩa nyama na njohi na magongona?” Ngũĩhoka gũtirĩ wanyu ũtoĩ Ndundu ya Anake a 40 na ũrĩa ndundu ĩyo yahotire kũgarũra ndereti cia  aa Thuku harĩ ũrũĩri wa wĩyathi witũ.

Ũmũthĩ ũyũ nĩtũkũbatara ndundu ya gũthugunda mĩikarire iitũ  ta ĩyo ya Anake a 40. Ihinda nĩ rĩkinyu. Twaya gũkaumbĩkĩrwo kĩihũ. O mũndũ arĩ harĩa arĩ nĩathugunde ndeto icio. Mũndũ ũkũigua arĩ na kaũndũ angĩongerera, auge tondũ kĩrĩ ngoro gĩtihotaga na tondũ cia mũciĩ ti como na cira wa mũciĩ ndumagĩrio kĩharo, nĩ auge na rũthiomi ruitũ na njĩra ya e-mail kana o ũrĩa angĩhotithio ni MweneNyaga.

Rĩu nĩtũkinyĩte handũ arĩ oro nginya tũcokie rũĩ mũkaro na njĩra ya meciria.

Ndundu ciao cia meciria nĩmũciũĩ? Hamwe na ingĩ nyingĩ nĩ:

…….

Rekei merie kau.

Thai Thathaiya Ngai Thai!

e-mail for Anake a 40 is njugumanene@gmail.com